`...icq之戀~**

kaly

`...icq之戀~**

2002年的冬天.....11月

11月4日係icq list出現左一個人, , ,,,唔識架. .. ..好似之前講過幾句野

今天佢突然add我. ..
佢 : 喂....聽日得唔得閒呀?
我 : 係係,,得呀 . .做咩呀(我都冇野做)
佢 : 出街呀，好悶呀
我 : 你知唔知我係邊個呀?
佢 : 知呀，阿邊個囉. ...(好明顯佢係唔記得)
我 : =.=
佢 : send photo give me ar
我 : o. . ..ok..
佢 : 一陣出街

我offline左. ..因為我都唔知佢係邊個. .佢好似都唔知我係邊個咁..同佢出街好似好怪咁..同埋icq既男仔係信唔過..so我都唔係好敢出囉. . .但係唔知點解又想出去見佢

過左一陣..我online左..

又好緊張咁問我

佢 : 你冇事呀，我好擔心你呀，突然offline
我 : hand左機....(其實係特登off)
佢 : 豬豬..返學開唔開心呀
我 : 幾啦，煩選科既野(個陣中三)
佢 : o，讀商科呀.好呀 ( 因為佢讀呀ma )
我 : maybe啦
佢 : 出街囉
我 : 好呀. .( 一時衝動 ，連佢係咩樣都唔知.，只係知佢係一個單身既男子)
佢 : 咁 1 點係xxx地鐵站等啦，我電話no.6xxx xxxx

佢就off左啦..我想講我係一時衝動..但冇機會啦，打比佢.又冇開電話，我就拿拿臨咁出去啦，因為個陣都12點30啦，出到去我又唔知佢係邊個，都唔知點，等左一陣，見到有d好靚仔既人行過 (正常女仔係會望男仔架啦 )，心諗會唔會係佢呢，又見到mk喎. . ..，afraid囉.，突然有人叫我 ，回頭一看................................



回頭一看...係個青靚白淨..高高地...唔太肥既人，佢仲白過我.. ..都係一個靚仔. .有d可怕..佢個樣好似好惡咁..佢行過泥對我笑笑..就覺得佢好低b仔既feel..行到泥..我都唔知同佢講咩好，佢就問我去邊，我話冇所謂啦....佢就話去打機，我都唔識打既，但都要去啦，因為都唔知去邊,一路行一路問左我好多野

佢 : 你成日去game station架
我 : 唔係呀..第一次渣,,因為未夠秤
佢 : 我教你打呀
我 : 好呀
( 沉默左幾分鐘)
佢 : 你唔搵返個男朋友既
我 : 都搵唔到，我咁既樣邊個會要呀
佢 : 唔係呀，你幾好呀 (擺到明想溝我啦 ，我覺得 )
我 : 你咁好條件應該好多女仔會黏埋泥架啦
佢 : 都有既，但睇唔上眼同埋佢地太咩啦
我 : 咩呀?
佢 : 好似好姣咁，同埋佢地係d wet妹，我唔鍾意
我 : 咁你學校呢?
佢 : 有既，但唔岩feel
我 : 你都好高要求喎
( 佢對我笑笑 )
佢 : 我只係鍾意d 乖乖女d既
唔煙唔酒..長頭髮. . 睇落去好似好純咁既
我 : 嗯嗯. .. .................
佢 : 你乎合哂我d要求呀,做得我女朋友呀
( 我冇出聲 )
佢帶我去game station ..行左好耐都未到囉，佢好似帶我去遊花園咁，又唔知邊度喎... . .... . ..行行下，佢停底左，望住一個女仔，我唔知咩事，個女仔望返個泥，佢就即刻攬住我，我個心跳得勁快，只係知好想一直都係咁..........

過左一陣..佢就放開左我，其實我想佢攬多陣架，佢同我say sorry，佢塊面已經紅哂啦，因為佢好白，so睇得好清楚，之後佢同我講個果女仔係佢之前個gf，我好無奈囉，係唔係因為佢特登想比佢ex-gf見佢攬第二個女仔，我覺得係囉，跟住佢仲話自己想搵個女朋友，唉.....行左入game station，我都唔識打機既，佢知我唔識，就行返出去啦，就問我想去邊，我話唔知呀，是但啦，佢就帶左我去一個好靜既公園...(我都唔知邊度) 坐低傾計

佢 : 其實以你既條件可以搵到好好既男朋友架
我 : 可惜我生活圈子太細啦..來來去去都係個d人
佢 : 咁學校個d呢 ...搵唔到咩
我 : 太差啦佢地，同埋成日見都冇乜feeling
佢 : o ..我學校個d都唔好架..好多都係d好曳個d女仔，一係就好乖既女仔， 即係掛住讀書咩都唔理個d 唔岩我
我 : 嗯嗯.......( 都唔知同佢講咩好)
佢 : 我以前既女朋友，我問佢地點解會鍾意我，佢地會答，因為你靚仔，我唔鍾意呢d女仔
我 : 我都冇講過你靚仔. ..( 其實佢真係唔錯架 )
佢 : 有時候覺得 d 女仔係因為我靚仔..so先同我一齊
我 : 你唔好講到你自己好靚仔先得架.........=.=
佢 : 我都知我好樣衰.令你睇唔上眼
我 : 我冇咁講過呀
佢 : 夜啦.走啦
我 : 哦..(我唔想返架..)

走個陣，佢送我去搭車，上車個一刻同我講，" 我鍾意你" 我呆左一呆，就上左車啦，搭車返去個陣，我腦海不斷諗返起佢同我講過既野，佢係咪真架，之後佢sms我，同我講..........................

kaly

大家覺得好睇就俾comment啦~
咁我就會繼續post嫁啦~!
因為真係好長呀...
不過我覺得好好睇呀~!
好感人丫~
覺得好睇既話記住話俾我聽~
等我post埋其他果d~!!

╭愛的〥替

　　　　　　　　　　快ｄ繼續ｐｏｓｔ　ｌａ．．．


　　　　　　　　　　究竟戈個男仔同戈個女仔講ｄ咩ａｒ．．．

kaly

`...icq之戀~** (2)

佢 : 講真架..我真係鍾意你架
我 : 點解呀
佢 : 鍾意一個人係冇理由架
我 : 我同你識左唔係好耐，都係同你出過一次街咁多渣喎
佢 : 時間唔係一個問題呀
我 : 咁又係.......
佢 : 做我女朋友好嗎?
我 : um. .. ..... .....( 唔知點答好 )
佢 : 講真架.信我啦
我 : 認真的?
佢 : 係
我 : 嗯嗯. .. .....( 其實一早就想啦 )
佢 : 你想唔想見我呀
我 : 依家 ??
佢 : 係呀
我 : 我係車.你點會見到我呀
佢 : 你答我想定唔想啦. ...你想既..會即刻見到
我 : 好呀 ....(都唔知咩事)

過左一陣，佢真係出現係我眼前呀，佢原來係我上車之後，都上埋車，我係唔知囉(因為個陣諗住佢講果句我鍾意你，so呆左，一直上車，都冇理到後面d人啦，佢上左車我都唔知，同埋我坐係上層囉，佢坐下層，so唔知)，我真係好感動架..點解佢會係車出現呢，好開心囉，佢坐係我隔離，我同佢都唔出聲，而佢隻手好自自然然搭住我隻手，我又比佢搭喎..(勁開心啦)..佢終於出聲啦

佢 : 頭先我講既野係真架
我 : 邊d呀..(扮傻)
佢 : sms同你講既野呀
我 : 講過d咩呀.. .唔知喎 (對望著)
佢 : 我愛你. . ( 就咀左過泥啦)

佢咀左過泥. ...好驚囉，之後佢望住我，同我講佢係認真，都唔知比咩反應佢好，淨係知我個心跳得勁快囉，我地搭巴士返到我屋企，係車上面我地都冇乜講過野，落車後行到我屋企樓下，都未捨得走

佢 : 陪我呀，唔好咁快走呀 (個陣係屋企樓下，攬緊我)
我 : 點解呀，聽日見囉 ( 我好想唔走架)
佢 : 但我會好掛住你架喎
我 : 我都會....
佢 : 不如我地去公園坐啦，好冇呀
( 我冇出聲,因為佢攬得太舒服啦，心軟呀)
我地2個人就走左去公園啦，一路講d好白痴既野，覺得佢個人好好呀，同埋好得意呀，可能係因為岩岩識，好奇囉，但真係好有feel呀，一直坐到第二朝返屋企，佢送到我屋企門口等我，.....返到屋企比阿ma鬧囉，冇理到佢，就即刻返房換3返學啦，佢就係門口等我，送我返學啦，因為個日係星期一同埋唔知點解佢唔駛返學，行返學個陣見到我個fdfd，阿kk，kk見到我同佢一齊好突然囉，但kk掛住望佢，都冇同我講野，叫一叫佢先知，......返到學校，kk勁問我同佢d野，我講哂比佢知，可惜，我同佢既第一個危機出現啦...........................

kk 不斷問我，佢d野，我都好願意答佢，因為佢係好朋友呀ma，so咩都同kk講囉，之後個日既lunch都一齊食，我，kk，同埋佢，佢送左我返學就過左商場度打機，等我放lunch一齊食，見到佢個陣，勁想攬住佢，但係我冇咁做，因為我知kk係度，so都係唔好啦........食完後我同kk返學校，而佢就返屋企訓啦( 成晚通頂，我驚佢頂唔順，so叫佢返屋企)，過左一個禮拜，佢d fd生日，帶埋我去喎，去到見到上次個果女仔( 佢既ex-gf ...bb)......佢拖到我勁實，T (佢)

佢 : 喂
bb : halo
佢 : 我女朋友呀..yy ( 我只係笑笑 )
bb : hi，我係bb呀 ( 佢望一望T)
我 : 我去toilet呀 ( 因為太急啦，so衝左去toilet)
佢 : 你去啦

我就衝左去啦，到我出返去搵佢地個陣，我見到T同bb攬埋一齊，個下個心勁痛囉，我唔敢過去搵佢地，而我就企係度，隻腳係行唔到呀，d 眼淚流左出泥，之後我好慢咁行過去搵佢地 ，到佢地分開左，我就行過去啦( 個陣係沙灘 )..T就行過泥帶我去bbq個度，而bb係一個人行過去，我好問 T 發生咩事，點解佢地會攬住左，但我冇出到聲，雖然係想知，但係唔願知道個答案呀，佢都冇發覺我有喊過，我喊一定會成隻眼都紅架，佢一d都唔留意我既，連佢d fd都知呀，一去到已經知啦，佢個fd，阿c

c : T 你做咩整喊人呀
T : 下，冇呀
c : 你睇下人地隻眼都紅哂啦，仲話唔係整喊人
T 望一望我，佢d fd個個都望一望我，
我 : 冇野呀，(我就走左出去啦，好魚架)

出到去,T 緊係有追出泥啦
佢 : 咩事呀，做咩事喊呀
我 : ( 冇出到聲，係因為我唔知問唔問佢好)
佢 : ( 攬住我 )講啦
我 : ( 我聞到個果女仔既香水味，我推開左佢)

以我既性格我忍唔住問佢( T)

我 : 你同bb係咩關係
佢 : 朋友
我 : 朋友駛唔駛攬攬呀..仲要有埋個咖哩雞
佢 : 佢比男朋友fly左呀ma
我 : 咁點解佢要整咖哩雞係你身上呀
佢 : 我真係唔知喎
我 : 唔知..點會唔知呀
佢 : 我唔會鍾意返佢架

我冇出聲，佢又攬住我，我再一次推開佢，我同佢講"我唔鍾意攬住一個身上有第2個女人d味既男人"，個時真係好很嬲，唔想同佢講野，明知係個女人特登咁樣整，但我好嬲點解阿T會比佢咁做，之後佢即刻除左對鞋，拎哂d 銀包，鎖匙，電話，仲有除埋件褸同埋上衣，冇除褲就衝左落水啦，(個陣係沙灘) 我叫佢唔好，但佢一支箭咁衝落去啦，仲好大聲同我講 " 我愛你一生一世 " 我就落左沙灘叫佢返上泥，佢行到上泥，我即刻用d紙巾幫佢x身個d，即刻用件褸,褸返佢，佢咩都唔理即刻攬住我，係我耳邊同我講 '' 依家冇第2 d 味啦" 個一刻真係好感動架.........我知道佢d fd都有見到，因為bbq個度同我地企個果位唔遠囉，我知道我win左bb架........

kaly

`...icq之戀~** (3)

個晚返左屋企後，就同kk傾電話，同佢講今晚發生過既事，佢好似有d野咁................

待續


kk好似嬲左我咁，係學校又唔理我喎，叫佢出街又唔出，淨係識得話叫我陪仔，有時都唔知佢點諗架，未同阿T一齊個陣，我地仲好好架，但唔知點解會咁，kk好似成日都唔開心咁，有次同佢傾計:

我 : kk，你呢排做咩呀
kk : 冇做咩呀
我 : 你好似唔理我咁
kk : 你覺得姐
我 : 你係唔係覺得T唔好，唔想我同佢一齊呀
kk : 個個男人都唔好架啦 ( 因為佢比佢以前條仔虐待過 )
我 : 阿 T 對我好好架喎
kk : 過一排就唔會架，個個男人初時都好好架啦，到最後咪又係咁
我 : 我相信佢唔會a~

kk就行開左啦.........T有日泥接我放學，我好唔開心咁同佢講，我同kk d野，唉..都唔知點解搞成咁，過左一排又冇野啦同kk，但就輪到T有野囉，佢好似成日都唔理我咁....我問佢，佢就話冇野，同佢出街個陣，聽電話就好鬼鬼鼠鼠,,,,,,到左12月啦，就到我生日，T 就同我搞左個bbq，叫埋kk泥，kk著到成個姣婆咁，我唔係有心咁講佢，但我接受唔到囉，係低胸超短裙，黑3紅裙咁，總知比人既感覺係好姣啦，見到佢咁，個陣天氣又凍喎，都唔明解佢要著到咁囉.....可以佢想比人睇掛，我同T見到佢..無奈囉

成班人一齊bbq，都幾開心既，之後kk傷風喎，T即刻除件褸佢，我好嬲囉，自己個女朋友都唔舒服啦，我都好凍同埋發緊燒..佢知架，so我嬲佢囉，唉........之後就發生左可怕既事啦

bbq. ....佢地都好似有d野咁，但我冇問到，因為我都唔肯定，我好唔舒服都死頂落去，因為個日係我生日呀ma，同d fd 吹蠟燭，係度扔泥扔去，勁好玩呀，玩完一輪，整返d 3 個d 野，我見到kk幫T整，好無奈囉，唔知過唔過去好，最終都係冇過到佢，佢地好似好 fd 咁，但其實見過唔係咁多次，都唔知點解佢地會咁 fd 跟住有人買左酒個 d ，玩 true or dare. . ..我 ，T ，kk 都有玩，同埋d fd，之後dare左kk， d人就叫佢搵一個泥咀咀，要係打車輪個隻，個度個d 仔都唔錯既，好多都係 T 既fd，kk 都行左去T 度，咀左埋去，其他 fd見到咁，個個都o哂咀，而我自己真係勁唔鍾意囉，then，佢地咀完，T 一直都望住 kk ，一 d 都冇理過我既感受囉，人地又一次dare 左kk，就叫佢飲哂成支酒， T 第一時間出泥幫佢頂，嘩，我睇到咁，即係T有冇當過我存在架，明知kk 係飲得，點解要幫佢頂呀，睇見咁，我即刻黑起塊面囉，之後人地 dare 左我，叫我飲半支酒 ( 佢地知我唔飲得，同埋諗住T會出泥頂)，但佢冇做到囉， 仲同kk有講有笑，完全冇理過我，結果我一個人飲左成支，佢d fd都叫我唔好飲，玩左一輪，我聽到kk同T既對話 .. ..(佢地坐我唔遠)

kk : 呢度好凍呀,你覺唔覺呀
T : 少少啦
kk : 依家都成2點幾啦，我驚會比阿ma鬧呀
T : 咁你想點
kk : 我想返屋企呀..同埋好累..想走呀..有d 醉醉地
( T 望一望我 ，我都冇理到佢..同其他人玩緊)
T : H (朋友) 都好似同你住得好近架喎..你同佢走啦
kk : 我唔熟佢..一齊行咪冇野傾..同埋我返屋企唔係好遠
T : 咁我送一送你
kk : 好呀
T : 我同yy講聲先

T : 我出一出去
我 : 去邊呀
T : 好似冇酒啦喎，我出去買囉
我 : (明知佢去邊) 咁好呀，快d返喎
T : 知道
　
T 就行左出去啦，2分鐘後kk就同其他人講佢走先，因為唔舒服，我聽到佢咁講..真係o哂咀囉，kk都冇阿ma既，點解會比人鬧呀，但我冇講到出泥，係因為覺得T 唔好對我咁既.............................之後，差唔多天光，T 都未返，我知一定發生左d事. . ..之後電話響起...係kk

kk 打左比我. ，個陣6點幾，我聽左，佢叫我上佢屋企，我唔知咩事，就叫左 c ( 係T既好朋友 )陪我上去，因為個陣得佢係清醒d，我好驚，好驚會見到d 唔想見到既野，上到去係門口個陣，我真係好驚，唔敢去禁門鐘，c 就幫我禁，我好驚一開門個果係 T ，開門個果係 kk ，坐左係度，kk話有野想同我講，我就叫 c 落去買早餐比我地食，佢落去之後，kk 好似有d唔妥 .... .. .. . . .. 就開始同我講Y*

kk : 你唔好同 T 一齊呀
我 : 點解呀
kk : 佢根本對你唔好，點解仲要同佢一齊~
我 : 你又知佢對我唔好，我唔覺囉
kk :佢對你不忠 ..咁樣都算好呀
我 : 點解你咁講呀
kk : 佢琴晚係唔係冇返去呀:y
我 : 咁唔代表佢對我不忠呀,可能佢返左屋企呢
kk : 佢都冇返屋企，佢依家係我屋企2
我 : 我唔信.......佢唔會
kk : 唔信你自己入房睇下
我  我打開房門...真係見到佢訓左係kk張床度 )
kk : (拉返我出泥..)
kk : 呢度 (電話 )有佢同我講既野，你聽唔聽n
我 : (我咩都唔知..好嬲)
kk : (開左比我聽)

kk : 你咁做唔怕yy唔鍾意咩
T : 你咁做唔怕yy唔鍾意咩Ya
kk : 咩喎
T : 傻豬...依家係我同你既時間..唔好提第2個人
kk : 我覺得好似好唔岩喎
T : 我唔覺囉..o
kk : 點解呀..你唔鍾意佢咩
T : 一時時啦.
kk : 點解呀
T : 覺得佢好煩
kk : 下.....你唔覺得對唔住佢架咩
T : 完全冇囉...我喜歡的是你
kk : 咁之後點呀
T : 唔好理啦..我覺得依家幾好呀
kk : 咁都好'
T. : 因為我會愛你一生一.................

sky

　　　　　　　　　　之　後　點　/-ｒ　,,,,


　　　　　　　　　條　仔　超　賤　//０　,,,

kaly

之　後　點　~~~~
                         自   己   睇    啦   
ha ha

kaly

`...icq之戀~** (4)

( 到呢一刻我已經唔想聽啦 ..哭泣ing ..好大聲同kk講
我 : 點解你地要咁對我呀 kk : 我係想比你知道男人個個都唔好架
我 : 係因為你..先令到佢咁..我當你係朋友..點解呀
kk :T 有咩好呀.你唔開心個陣邊個陪你呀..你喊個陣邊個係你隔離呀
我 : 咁呢d都係我同佢既事.....點解你要去理呀
kk : 我唔想你咁樣呀.你為左佢..咩都做過...而佢又點樣對返你呀
我 : 就算佢對我點，都係我既事.唔需要你去理呀
kk : 男人個個都係咁..
我 : 琴晚係我生日呀，點解你地要做埋d咁既野呀..點解呀
kk : 我要你知道男人個個都係咁..呃你
我 : 你咁做得出，有冇當過我係fd架oh
kk :我有當你係fd先咁做..佢遲早都有一日會係咁..我想你早d清楚佢個人係點
我 : 如果唔係你..佢唔會咁...
kk : 我因為鍾意你..所以唔想你比佢傷害呀..你明唔明呀
見到你為左佢咁..值得咩

呢個時候..c 返左泥.....見到我喊緊...而kk都眼紅紅..，c 係唔知咩事發生，同時，因為我同kk鬧得好大聲，T 都醒埋，佢係kk房行出來，見到我地3個人...呆..左

T 呆左一呆..個陣佢淨係著住條褲，而T 就望住我地2個，我覺得好冇面呀，個一刻我好想問清楚點解,但我冇做到，也許我沒有這勇氣去問個明白，靜左一陣，T出聲啦

T : yy點解你會上泥
我 : 你琴晚成晚都係度?
T : ( 低頭 )
( 我企身，行到佢面前，摑左佢一把，然後走啦)
(佢拉住我，唔比我走，c 拉開我同T ..c 打左一拳 T ..我冇睇到就走啦)
(而佢冇追出泥..我同c就一齊行...行行下..我頂唔順啦 ..問 c 借個膊頭比我)
c亦都明白係發生咩事啦，都知道錯個果係T，我明白到點解佢對我咁冷淡..咩都知道哂,..c 同我講

c : 唔好咁啦..可能係個女仔特登呢
我 : 一個係我男朋友，一個係我最好既朋友..點解要咁
c : 我相信T唔係d咁既人 我 : 我都想相信呀，但事實擺係眼前，我可以點呀?
c : 既然你都識講係事實..點解唔去面對呢
( 我冇聲出) 返左屋企沖涼訓.咩都唔理
過左一個星期..我冇搵T..T都冇搵我，係呢段時間，好辛苦呀，我都冇同kk講過野，係學校，避得就避，上堂個陣，T sms我，話有野想同我講，叫我出去搵佢，放左學返屋企換33..就出去啦，出到去，佢同我講

T : 對唔住呀，我知我做錯好多野..我應承你呀，以後都唔會去玩，比次機會我呀
我 : 個果係我好朋友泥架...
T : 咁你又知唔知你個好朋友做過 d 咩呀，佢用你個icq同我講野呀
我 : 講咩呀..
T : 佢用你既身份同我講你有第2個呀..話唔想同我一齊，話最後一個月，講左好多好hurt既說話，又用你電話sms 我，同我講好多hurt既說話，唔信我比你睇呀(佢即刻拎個電話出泥)
我 : ( 我拎左泥睇，真係kk用我個電話sms T )
我唔知講咩好，呢一刻好亂呀

T : 原諒我一次 ( 佢跪左係度 .當街當巷 )
我 : 你起身先啦
T : 你唔原諒我，我唔會起身
我 : 你起身先講啦
T : 你原諒我，我咪起身囉
我 : 咁我叫得你起..就知咩事啦 ( 衰心軟)
T : (佢企左係度，攬住我)
T : 我以後都唔知咁做，我應承你，呢一世呢一生都對你好好，唔會再搵第2個，我愛你一生一世
我 : ...................................................你記住你今日講過既野
T : 我會記住)……..

kaly

`...icq之戀~** (5)

之後，我同返T一齊，有時有d野，講就容易，但係做就真係做唔出，而且我真係好好好心軟，好多人都知道，同 T 一齊後，佢對我真係好左好多，唔同之前，我係選擇左佢，而同 kk 就冇野講啦，kk係呢段時間都有搵過我，但我都係避佢囉..有次佢係icq同我講
kk : yy
我 : 咩事
kk : 你真係覺得T好好咩，我有咩比唔上佢
我 : 如果唔係因為你，佢唔會咁囉
kk : 我咁做都係因為你
我 : 佢有既野..你冇呀
kk : 你講呀
我 : 佢係男人..你唔係囉
kk : 呢個都唔係大問題姐
我 : 最重要既係我對佢有feel呀
kk : 我同你一齊咁耐都冇咩
我 : 唔同架
kk : 有咩唔同
我 : ( off左..因為唔想理佢啦)　　
同返 T 一齊..好似覺得有d 野咁，但又唔知係咩喎............kk 冇搵我,我都冇kk，我知T係有d野，但我冇問佢，我feel到佢對我好冷淡,,,有次出街佢突然問我:
T : yy 點解你鍾意我既
我 : 咁你又點解鍾意我呀
T : 唔知
我 : 咪係囉..鍾意一個人係咩都唔知架
T : 如果有一日我做左d 好錯既野..你會唔會原諒我呀
我 : 你做錯d 咩呀
T : 你講左先啦
我 : 都唔知錯咩
T : 當我冇問過啦
我 : 哦
T : 你呢排有冇搵kk呀 (佢好似好緊張)
我 : 冇呀
T : 個件事後佢點呀 我 : 咪咁囉~
T : 你同佢仲有冇野呀
我 : 有呀
T : o (好明顯佢仲好緊張kk)
我 : 你做咩咁問呀
T : 關心下佢姐~
我 : 又唔見你關心下我
T : .............( 冇出聲)
T : (電話響....)
T : 我d fd叫我去打機喎..你去唔去呀
我 : 是但啦

之後T 就帶左我去啦，去到佢 d fd見到我地手拖手一齊..好似好開心咁，我就冇乜野啦，佢就掛住打機，冇理我囉，我勁無奈呀，我又唔係好識打機喎，跟住 c 就行左過泥，教我打啦，我同佢打..真係好開心的，而T淨係掛住打機囉，見到有d 女仔行過去同佢傾計，我都好想行過去，但我隻腳係冇行到，跟住我就問c"
我 : c 呀，平時你地打機..係唔係都有好多女仔聊T架
c : 係呀..成日都有架啦
我 : 咁佢會點架
c : 有時佢會理既 .(hurt 爆)
我 : 佢有冇同d 女仔出街架B
c : 一時時啦...
( c 拉左我出去傾)
c : 其實講真呀，T 唔係一個好男仔Q
我 : 點解呀
c : 次次出親街，條條女都唔同既，你都唔知係佢第幾個啦
我 : 見完我之後，仲有冇第2個呀??
c : 大把啦.....雖然佢係我個fd..但係我知你係個好女仔..so唔想你受傷害
T 出泥搵我地....................................

T 出泥搵我地話去飲酒喎，冇所謂啦，就去左啦，c 都一齊去，同埋頭先係game station 見到個幾個女仔，行個陣，個幾個女仔都痴住佢，我都冇同佢行埋一齊,so我同c一齊行，我地行得好後，而個陣c就同我講
c : 你見啦
我 : 見咩呀
c : 個幾個女仔岩岩識架啦
我 : 咁唔代表d咩既
c : 咁點解T唔同你行埋一齊呀
我 : 咁佢陪fd 呀ma (自己呃緊自己)
c : 個個都知佢係咁架啦"
我 : ...................
c : 如果佢係鍾意你既，依家我會係你隔離架咩
我 : ...................( d 眼淚開始流出泥)
c : 你自己諗下啦

去到沙灘，坐左係度， 買左酒，我冇理到T同c...一個人坐係一邊狂飲酒，之後c走左過泥，叫我唔好飲，但我真係好辛苦呀，T 一時對我好好一時對我好冷淡，佢算咩意思姐，唉...c 不斷安慰我.......但我都照飲..好想令自己醉，醉左之後既野唔記得啦....©一教醒來...好頭痛...望望下...係T既home...


醒左淨係知好頭痛囉...而我隔離係T囉..佢都醒左..佢望住我，好溫柔咁問我係唔係好頭痛...講d 好關心既說話，呢一刻覺得好warm 呀，忘記左佢之前對我的冷淡........

T : 點呀，老婆..係唔係好頭痛呀
我 : 係好很頭痛!
T : 老公仔呵番
我 : 我琴晚做過d咩泥呀
T : 唔知呢...要問你自己啦
我 : 琴晚我地有冇.................( 好驚囉)
T : 你認為呢 ( T 電話響 )一陣
T : 我要出去啦.
我 : 你去邊呀
T : 既...去..唱k囉
我 : 同邊個呀9
T : 你唔識架啦 (擺明唔想我去)
我 : 咁我返屋企啦~

係咁..我就走左啦，之後個fd打泥叫我去唱k，我話是但啦，就去左mk唱k啦，去到同 d fd 唱k囉，去toilet個陣比我見到T 拖住第2個女仔，佢地見唔到我，因為我係佢地後面，個一刻..我唔敢相信..岩岩仲對我好好..攬住我，依家就攬第2個，佢冇野呀，堅無奈....我冇去鬧佢...因為我知咁樣我會好hurt....唱完走個陣..係門口撞到正一正...我一出門口就見到佢地，我同佢地原來係對面房...我同 T 面對面個一刻..好hurt.個果女仔係個日打機個果，點解呀..點解會係咁呀...

c 攬住我...而我個心真係真係好痛，我相信冇人可以明白我有多麼苦. . ..個電話不停響不停響,重覆都係呢首歌，唉. ... ....c 鬆開我...叫我聽佢電話，我聽佢講，聽左................

T : yy 你係邊呀..我好掛住你呀
我 : 我依家係邊你都唔會在乎架啦，你去搵你d 妹啦
T : 佢地比唔上你，佢地個個都唔理我
我 : 佢地唔要你，你就走泥搵返我..你當我係咩呀
T : 我真係好需要你呀
我 : 你需要既唔係我....而係有人可以陪你..我做唔到個果人囉
T : 我知你鍾意我架
我 : 係呀，咁又點呀~
T : 嗚嗚嗚嗚嗚嗚
我 : 你依家係邊呀
T : 唔知呀 ( 我聽到佢隔離好多聲)
( bb ( T-ex-gf) 搶左泥聽 )
bb : yy .. 你快d泥啦
我 : 點解呀
bb : 我阻唔到佢呀
我 : 佢做咩呀
bb : 佢拎住把介刀.介緊呀
我 : 你地依家係邊呀
bb : T屋企呀
我 : 我依家上泥啦 ( 唉 , ,,唔想佢咁 )

我冇叫 c 一齊上去，因為我唔想佢地真係打交呀，c 講過話會打T .. .我驚..so冇叫佢上去，c 叫我返屋企打電話比佢，無論幾夜都好，我上到去，見到bb佢地，一大班 fd 係度，想搶佢把介刀，但T都唔理..介到成隻手都係血..我入到去，佢d fd叫我勸下佢，唔叫我都會咁做啦..T 坐係地下 .，我走過去

我 : T ..如果你真係鍾意我既.就唔好再介啦，比把介刀我呀
T : 你原諒我啦....我真係真係好愛你..唔可以冇左你
我 : 你唔好講呢d野啦
T : 比次機會我啦
我 : 我幫你整左隻手先啦
( 佢就企左起身啦，而佢 d fd就走先,,得返我同佢.....)
我幫佢包左隻手. ..仲見到佢介左個字落隻手度，係我個名既其中一個字.，唉.. ...見到佢咁，真係心都軟埋啦,點解次次都係咁架，當我最hurt既時候，佢就會泥乙水返我，搞到我唔知點咁..之後我叫佢去訓，而我返熙企，佢又唔比，叫我係佢屋企訓..我唔想囉..因為好累呀，我2晚冇訓啦，好想返屋企訓，但係T 攬實我，唔比我走，我支力都冇力氣反抗啦..最終係訓係佢懷裡......

天殺孤星

個男仔好低B 喎~~

明知不可為而為之

我不開心

仲有冇呀~~
好正呀~睇到我喊呀~~~
快d  post呀~~~~~

kaly

仲有好多a,,,,,,
我會盡快post哂上黎架啦

kaly

我訓左勁奈呀..訓到第2朝早..好好訓呀.，我都唔知點解，hahahaha，見到T係隔離，
我明白到一樣野，我可能只喜歡他的外貌，佢訓教個樣好得意呀，但係佢對我根本就係唔好，
我都知道，佢 d 朋友都叫我同佢分手，我係房度出去諗住返屋企，跟住見到木台面上佢個電話，
從女仔八卦既心態一定係會去睇，我真係拎起泥睇，因為佢從來都唔比我睇佢個電話的，
去左睇相個度，見到佢同個果女仔影既相 ( 好似係岩岩搞完係床影既)，我真係好唔開心囉，
係佢部電話度有好多呢d相..好多唔同既女仔，勁hurt囉......之後就走左..知佢訓緊..
so特登close門既時候大聲d...嘈醒佢
一落到樓就見到c食住煙等緊人咁，佢見到我即刻走過泥攬住我!
C : 你點呀. .我好擔心你呀
我 : 我冇事呀.
C : 你食左野未呀 ( 好體貼呀 )
我 : 未呀
C : 我地去食野囉~
我 : 哦,
( 佢一直拖住我隻手 ..去到餐廳，坐低左... )
我 : 琴晚..( 搶左泥講 )
c : 食咩好呀
我 : 是但啦
( 食完後，佢話送我返屋企
我拉停左佢a
我 : 你做咩唔比我講呀
c : 我明既..你始終都係鍾意T呀
我 : 你琴晚咁同我講..我都係既...但呢一刻我可以講我唔再鍾意佢啦
c : 點解呀..你地琴晚做咩泥呀
我 : 咁你琴晚又做咩泥呀
c : 係T樓下等你......( 口快快講左出泥)
c : 我鍾意你
我 : 你比d時間我呀..我想同T講清楚先呀
c : 我唔迫你..你幾時都可以搵我架
我 : 好呀
c : 返到去打比我呀
我 : 哦

( 但我返到屋企都冇打比佢，返到屋企就沖涼..諗住訓多陣，但訓唔著呀，
就諗左好多野，究竟c講野係唔係真呢，T 係唔係真係鍾意我呢，我唔識點做，
我試過 c 同 T 作比較，講樣，c 個樣真係型T好多架，c 著 punk look架，第一次見佢，
我都覺佢係d 好潮既人，我又驚配佢唔起，唉 ...但如果我同T 分手，又即刻同c一齊，
會唔會好花心呢，之後，T 打比我
T : 你返左屋企呀
我 : 係呀
T : 你唔叫我送你返去
我 : 唔駛啦;
T : 做咩呀
我 : 冇野呀
T : 我愛你
我 : 咁又點
T : 乜你咁架
我 : 你想我點呀
T : 你鍾唔鍾意我呀
我 : 唔鍾意
T : 唔會架，我知你係鍾意我架
我 : 呢d係以前既事...我唔想再做你感情既後備呀
T : 冇呀...
我 : bb..kk...個果女仔....我唔想再出現幾個啦 ..次次佢地唔要你...你就會走泥搵返我
T : . .. .....
我 : 你當我係咩呀 ( 第一次咁勇同人講野 )
T : 係我愛人
我 : 可能呢一刻仲係既...但幾個鐘頭後已經唔係啦..你太花心啦
( 門鐘響 ... .有人泥 )

( 叮噹~~~~~~)
我放低電話出去開門....竟然係佢...係 c 呀..好開心囉唔知點解，佢買左 d 食送 泥..
話驚我食得公仔麵多..會冇益喎，個一刻好甜呀，佢好大聲同我講，" 我要做你一世既住家男人
，可以嗎?" 之後就kiss左啦，個時都未算話真係一齊既..但真係好甜好甜....覺得佢對我好好呀
. .. ..之後佢就整野比我食啦....但我唔記得左同T傾緊電話..我即刻拎返起個電話，
佢已經收線啦...........................c 對我好好我知..但係冇個種feel囉.....
我地食完之後..係我home睇vcd ...睇睇下門鈴響..我去開門..一開門見到係T. .
T 攬住我叫我唔好離開佢，我知道c 見到架，佢行出泥..而T 鬆開左我..佢地互相對望..
見到T 係好驚嚇，佢就同T講

T : 你係度做咩呀
c : 咁你又係度做咩呀
T : 佢係我女朋友..我搵佢.唔通要問過你呀
c : 你有當過佢係咩
T : 關唔關你事呀
c : 你真係有當過佢係女朋友既..呢一刻我唔會係度啦
T : 你同佢咩關係呀
c : 佢係我老婆 ( 開心ing)
T : 你有冇搞錯呀..有冇當過我係fd呀..搶我條女 ( 唉. . ..)
c : 如果你對佢好好既...我點會有機會呀
T : 呢d係我同佢既事
T : ( 佢衝左埋去c 度 ..打起上泥....)
( 我唔想佢地打呀..係咁叫佢地停，佢地都繼續打，我迫於無奈企係佢地中間..
佢地同時打中我個肚同背脊..勁痛呀..佢地都好大力呀，我跪左係地下...佢地都即刻停..
問我有冇事...個一刻我咩都唔理..淨係想佢地唔好再為我打，我仲暈暈地，醒左見到.....佢....

一醒左見到 T ... 個一刻超唔想見佢囉..唉..唔開心呀..T 見到我..問我有冇事..個d啦..
之後佢同我講

T : yy 我真係鍾意你呀.比次機會我呀
我 : 唔可以啦
T : 點解呀
我 : 我比左好多次機會你..你有珍惜到咩
T : .. .........................
我 : 我唔想做你既後備情人呀
T : 對唔住呀...我同你講c 都唔係一個好好既人( 下刪一百字)
我 : ............
T : 你唔清楚 c 係咩人..緊係覺得佢好好啦
我 : 夠啦..唔好講啦
T : 我係要講...
我 : 夠啦..你走呀..我唔想見到你呀 ( 喊住講 )
我 : 我好辛苦呀....
T : ( 攬住我...我推開佢 )
我 : 你走呀..嗚嗚嗚
佢走左之後,,我一直諗返之前同佢既日子..再諗返佢點對我....喊左好耐呀，真係好辛苦呀，
我困左自己係屋企幾日，冇出過街，冇乜點食野，拎到我成個人殘哂.....T 都冇打比我啦，
c 都冇打比我，幾日都冇開過電腦，淨係識係床度喊，喊左好幾日，之後見到個message ，
係c泥架，佢叫我開開心心去做人，我真係聽佢講，起身執返好個樣，諗住自己一個逛下街咁，
我樓頭就見到 c 同 T，佢地2個好似幾日冇訓過咁，個樣勁殘..同埋仲見到佢地既傷.....

佢地2個一齊行過泥...同我 say sorry，我知道佢地2個都好真，幾日都係樓下等我，
2個男人咁為我，點會唔感動呀，可惜有2個男人同時對我咁好，佢地2個望住我,,想同我講野...
但比我搶先左
我 : 我想自己一個去行街呀
c : 我想問清楚你一樣野
T : 我同c 都同樣想知
我 : 我依家咩都唔想答..比我自己一個清靜下啦
我 : 唔該你地

我就走左啦.................

我一個人去行街...我知佢地仲跟住我，我冇理到佢地，一路聽住mp3一路行街...咩都唔知..，
行到去 d 商場度行街街，我好想撇開佢地.又唔知點好，唉. ... ...咁岩就撞到bb ( T-ex gf)
,佢返屋企，見到佢好似冇野咁，好似好 fd 咁，之後仲同佢一齊行街，我同佢去左飲野，坐底左
，T 同 c 我後幾張 木台 ..但佢地唔係坐埋一齊.，我就同bb講
我 : 你見唔見到佢地2個呀
bb : ( 望一望..好驚嚇)..點解既
我 : ( 我講哂比佢知...發生咩事)
bb : 我勸你唔好同T一齊，我同 T 散都係因為呢個原因，我個陣仲慘呀 ( 下刪一百字都係
講佢既壞話 )
我 : 我都知..但佢好似依家好好咁......
bb : 我都試過啦...佢都有咁對我，但係我個陣冇出現 c 囉..我都係同T散左先識c既
我 : 即係佢對個個女仔都會咁架啦
bb : 係掛..但佢一定係好花心囉
bb : 就算佢依家好好，都唔代表佢唔會搵返第2個啦
我 : 我都知....
bb : 你再係咁落去，會兩敗俱傷架...會好hurt架..唔好同佢一齊啦
bb : 你自己都知佢係咩人..點解仲要比機會佢呢..你都比過咁多次佢啦..有冇珍惜過呀
bb : 佢一定話會應承你架....但佢會唔會做呀
我 : 唔會......
bb : 咪係囉.....
我 : 咁你覺得c係咩人呀
bb : c 好好多...我識佢咁耐..都冇見過佢帶女朋友出泥既
我 : 仲有呢
bb : c 佢呀... . .好靚仔囉
我 : ( 無奈 ) 靚仔冇本心呀
bb : 我覺佢有喎.....c 好仔呢架......比我一定會揀佢
我 : ( 諗下諗下)....嗯嗯

飲完野就走啦，我就行左去公園...而bb就話佢去叫ｃ返屋企先.....之後我係公園坐左係度..
我行過去同T講野..話有野同佢講. . .......而c 就真係比bb拉左返屋企

我 : 你要跟到我幾時呀
T : 一輩子
我 : 我地分手啦
T : 點解呀

我 : 我講過好多次比你聽啦
T : 點解呀...我改囉
我 : 我唔想你為我改變 d咩. ..我只係想你珍惜我之後既女朋友
T : 我只需要你
我 : 我唔屬於你..我不需要你
T : 求下你..比次機會我呀.........
我 : 冇用....架....我同你冇可能啦'
T : 我相信有架
我 : 唔好再浪費d時間係我身上
我 : 我鍾意c..我同佢係埋一齊啦
T : 唔會架
我 : 真架..我同佢一齊左

我就走啦，個一刻成個人真係輕鬆左，冇左個包袱咁，個一刻我知道我鍾意既唔係佢，
突然覺得自己大個左，同埋識得諗啦，我行返屋企個陣，我打左比 c ，佢同我講佢係我樓下，
我即刻飛的返去，見到佢，好似覺得見到個親人咁，即係衝過去攬住佢，個一刻..
雖然我地都冇出到聲..但都明白大家既心意...feel 到既......之後佢上左我屋企，佢一入我門口..
佢已經頂唔順..暈暈地..我扶佢去我張床...第一次比人訓我張床渣.
佢發燒呀...成晚我都伏係佢隔離訓...2晚都係咁..佢足足訓左2 日2 夜. ..我就要照顧佢.. ...
佢醒左..仲話我做咩唔叫醒佢，我就勁無奈囉..佢仲成日篤我個頭. ..之後就兒童不宜.....
hahhahahahdOv

但可怕既事情又發生啦. ..點解次次要係我最開心既時候就出現呀...

依家同c一齊好幸福呀..從來都冇人對我咁好架，我地一齊左2個星期，問題就出現啦，
有次個 fd ( 我同c..T 都識既 )生日，去唱k，c 好似扮到唔識我咁，佢算咩意思姐，
直行直過，個 fd 問我點解唔同T一齊泥，我話散左啦，佢 o 哂咀囉，入到 k 房，勁唔開心呀
，佢同佢 d fd 玩，一直都唔理我，有 d 想走，但因為個 fd 生日，so 就冇走度，我sms佢~
我 : 你做咩唔理我呀
c : 冇呀...
我 : 如果冇既你即刻過泥呀
c : 唔好啦...咁阿T係度..同埋有其他 fd
我 : 我覺得我地唔似拍拖囉
我 : 我唔想偷偷摸摸呀
c : .......................................................

之後我就走左啦，好激氣囉，唉..點解要咁喎，我覺唔需要囉，呢個時候 T 出左泥陪我，
我話唔駛，但佢堅持，我都冇辦法，我唔想佢誤會..所以我就話我要返屋企叫佢唔駛送 ... ....
我一個人去左打機....之後竟然 c 泥左囉，勁開心呀，hahhahahaahhaha，打得勁happy 呀
，..............
但原來呢一切一切都係幻象囉

同 c 去街真係覺得自己好幸福架，但係呢一切一切都未必會係真，有一次我係屋企，
等佢電話，因為係佢打比我，我先落得去街....《 如果全世界我也可以放棄.至少還有你..》
響著..我即刻仆到去聽.......聽到係2個人既對話
c : 幾好啦
fd : 係....好渣手嗎
c : 得架..幾好架
fd : 我又想試
c : 你得既..咪去囉. ..我估你唔得架啦
fd : 車.你個陣都得啦.我點解唔得呀
c : 係 T 讓我姐... . .同埋一早都講左話我會溝 yy架啦
fd : d 人唔知仲以為你係長腳tim 呀
c : 冇有怕... ..都係覺得yy唔得
fd : 咁仲話唔得?
c : 佢太瘦啦..雖然身材唔差..但都係覺得差一d野 ( 我 d 眼淚流哂出泥啦 )
fd :差咩呀...
c : 唔知呀.. ..可能我溝開既女都係wet 妹
fd : 你一定係鍾意左佢啦 .( 唔知佢知答案係點呢 ...唉..唔想知呀 )
c : 唔會囉，我唔係 d 咁既人.. ..我都冇鍾意過佢 ..( hurt 爆 )
fd : 估到..有邊個唔知你係唔會鍾意人架姐
c : 當然，這才是我吧
fd : 佢一定好hurt啦
c : 有咩所謂...唉..一陣又要出去受罪啦 ( 同我出街好受罪咩 )
fd : 係咁啦.8 ( 我即刻cut 線)

過多一 兩分鐘，佢真係打比我啦，我個陣好hurt..好想問佢，我冇勇氣去問佢..但一諗到，
真係好hurt好hurt ...佢打比我叫我落去，我落到去..佢見到我好似喊過. ..之後佢就問我啦
個一刻我好想打巴佢...好想問佢點解咁做...但我冇做到，因為我已知道答案啦....佢問我做咩.

c : 做咩隻眼紅哂既..喊過??
我 : 係呀
c : 做咩事呀
我 : 不如分手啦
c : 點解呀
我 : 對住一個成日帶假面具既人..我好驚呀 ( 好冷靜講 )
c : 我唔明喎...好地地..做咩要散呀
我 : 做返朋友啦
c : 點解呀..我真係唔明喎
我 : 咁我問你呀..你頭先去邊呀
c : 同 fd 飲野囉
我 : 個陣你打左比我...我聽到哂你地講既野
c : ( 即刻睇返電話紀錄 )
我 : ( 我慢慢走左去啦 )
c : ( 追上泥叫我比次機會佢 )
我 : 如果想以後仲係朋友既就放開我...
c : ( 佢真係放開我 )

kaly

今次分手我真係冇喊過..可能係睇開左..or 我只係當佢係水泡掛，so 都唔會hurt 掛，
之後我自己一個人行行下咁，撞到 T 喎，個感覺好得意呀，雖然好耐冇見，
但仲係好似一個舊朋友咁，就同佢去飲野啦，佢變左好多呀，變得乖乖仔咁，
佢話佢既改變係因為一個人，我唔知佢講邊個....但我估我估到既，坐底左我同佢講我 :
我同c散左

T : 點解既..你地唔係好好架咩?
我 : 佢表面上對我好好..但入面就...唉
T : 你同佢做咩呀
我 : 帶住一個假面具既人.我唔想同佢一齊囉
T : 點解既?
我 : 你係唔係一早知c想溝我架
T : 係....
我 : 點解你唔同我講呀
T : 唔知..我都有同你講過佢係d咁既人.係你自己唔信
我 : ( 好似係喎 )..唉..算啦..過左去既野
T : 我仲有冇機會呀
我 : 唔好講呢d 啦..(仲係好驚受傷害 )
T : 我會等你
我 : 見到你依家咁..咪好囉..成個乖乖仔咁
T : 我會為你而改變
我 : 傻啦..唔係為我係為自己呀

我地一直都有保持聯絡..做左朋友..好好呀個感覺，冇咁大壓迫感，之後佢暑期個陣要擺屋，
同我住得好近o，我都去幫佢手，好熟咁，雖然係咁，但我知我係仲鍾意佢架..
同埋都知佢都love我，但我唔敢去開始呀..............

03年9月1日....上學既第一日，返學既時候硬係覺得會唔知見到邊個架，返到去都係同d
fd吹下水咁，之後比我見到T呀，好奇怪囉..佢大我一年..同埋佢又唔係同我同一間學校既，
點解佢會係度架呢，我即刻衝過去問佢

我 : 喂..點解你係度既
T : 咁搬左屋同埋自己d 成績唔係咁好..so咪repeat一年囉( 中四 )
我 : 又唔通知聲
T :我諗住比d驚喜你呀
我 : 係呢..你係唔係讀4a呀
T : 係呀...你都係呀...( 佢一早知啦 )
我 : =.=..咁我咪同你同班囉 ( 抄哂野 )
T : 咁咪好囉...我要同你座架
我 : 是但啦
T : 好呀

鐘響啦...集隊..上到班房.miss話叫我地自己搵個位...我就求其坐一個.，
T 見到我就即刻走個泥同我座，我 d fd 就覺得好唔知點咁..佢地就坐我地前面，
之後都係攪d開學既野啦，kk都係同我一班，佢都知T係邊個..而我 d fd覺得好奇囉..
因為我冇同佢地講過架...so 佢地好出奇囉.....同埋我知我有個fd( a) 好似love佢.

我d fd 問我做咩會同佢咁熟，我都唔知點答佢地，可能我唔想公開我同佢既關係啦，
但 a 就成日問我佢 d 野，因為T係外校泥，所以識唔到 d fd...咁我lunch就要同佢食啦，
同埋我d fd咁，好似好怪咁，a 已經擺到明係想溝 T 既，有次同 T 傾電話◎
我 : 喂.你鐘唔鐘意a呀 ( 固意問既 )
T : 唔鍾意
我 : 點解呀.你地好似傾得好埋架喎
T : 傾得埋唔代表鍾意架
我 : 佢唔好咩
T : 冇 feel 就係冇feel 架啦
我 : 係咩..佢好鍾意你喎
T : 我知呀..佢日日都打電話泥同我傾..好很煩呀
我 : 咁人地鍾意你先會日日打比你架姐
T : 咁我日日都有打比你架喎
我 : 好似係. . ..... . .. ..但 a 幾好呀
T : 好咁又點..我鍾意既係得一個人
我 : (知道邊個囉 )係呀..星期六去唱k喎..a 叫
T : 你去唔去架
我 : 唔啦..我要返ive呀
T : 咁我唔去啦
我 : 做咩唔去姐
T : 你唔去我咪唔去囉......
( 我有電話入 係a )
a : yy呀..星期六著咩3好呀.. T 鍾意咩3架
我 : 唔著3 佢最鍾意
a : 妖..講堅呀
我 : 是但啦,,佢都冇乜所謂架啦 ( 佢最鍾意咪係我著 d 咩囉 )
a : 你約左佢未呀......
我 ( 係喎..佢好似話唔去 )..仲有邊個去架
a : 得我同佢囉....
我 : 不如你自己約啦
a : 唔該你呀
我 : 好啦..
( 過返第2 線 )
T : 傾咁耐架
我 : a 泥架....
T : 哦
我 : 你去啦,,a 花左好多心機架啦
T : 你去我咪去囉d
( 諗左陣  
我 : 我去呀 (比機會他們吧 )
T : 你唔返
我 : 唔返啦
T : 咁我同你一齊去啦
我 : 我大個女啦..自己去是可以的
T : 唔得呀o0
我 : 點解呀
T : 乜你好唔想同我一齊咩
我 : 唔係呀...我同 a 去得架啦
T : 咁好囉
我仲係愛 T . .我知佢都愛我，亦都知道 a 愛上佢，我明白唔好同 d fd 爭仔.
咁樣好似唔係咁好，so 就算我係愛 T，但都唔想同佢一齊......同埋 a 一早同我講左話鍾意
T. . .我唔想搞到好似我撬長腳.....

到唱 k 個日，我返左ive，冇去到，之後返左屋企個邊行下街咁，a 打左電話比我，
話佢同 T 唱緊 k ，問我泥唔泥，仲好細聲同我講，話 T 唔開心又唔唱歌，得佢一個唱..
好悶喎...唉...我就拿拿聲去啦..到左之後，T 好似好惱我咁........我坐底左就同 T 講野
，之後因為 a 叫左幾個 fd 泥，好嘈，我就 sms T ，叫佢出去傾啦.....
T : 你唔泥又唔同我講聲
我 : 咁 a 都冇叫我泥
T : 你又話你同佢一齊泥
我 : 算啦...開心d 啦..咁樣唔靚仔架
T : ( 佢笑返.啦 .. .咁就安樂 d)
我地入返去唱，我仲特登點左首「明知固犯」，叫左 T 同我唱，個個都覺得好奇，
因為出左去之後返入泥，T 會咁開心，同埋佢地未聽過T唱歌，我覺得 T 唱歌唔差架，
好有意思架 d 詞，我係想比佢知道我有幾痛苦，唱完之後個個都叫enco
..仲話我地好襯..
.超無奈呀，因為個陣 a 都係度....唱完去toilet個陣..a 同我講

a : 我真係鍾意T 架
我 : 我知呀
a : 你唔好鍾意佢呀
我 : o.知道
a : 我知佢會鍾意我架..你唔好同我爭呀
我 : 我都冇諗過同你爭 ( 因為我同你冇得比 yeah)
a : 最好啦..我相信只有我先能配得上佢AU
我 : 哦

a 講完之後..我都冇乜野，可能我唔當佢係情敵掛，因為我都知我係比唔上佢，
但我唔想因為 T而冇左個 fd 呀，之前係kk...唔想再因為佢..so 我都係唔同 T 一齊啦，
唱完k之後就去左影貼紙相啦，好白痴囉我同 T ，平時出街我同佢都係玩得好癲架ma，
但因為阿 a 係度..so都係費事啦.............

之後我特登讓位比 a 同 T 行..但係T 唔領情囉..之後我地去左 m 記坐啦，係度傾計..
我好想走架..因為我趕住去bbq..同自己學校 d 同學去...但佢地唔鍾意 a ..所以冇叫佢去.，
就叫左我同 T 去，T 同我講

T : 點同 a 講呀
我 : 咪話去燒野食囉
T : 咁你呢
我 : 返屋企囉
T : 佢一定會跟埋去架喎
我 : 唔知呀..我實講到架
T : 咁你講先啦..一陣係巴士站等
我 : ok 啦

之後我就行左去巴士站等啦，等左陣見到佢同 a 行過泥，我問點解 a 都去，
a 就曉住 T 既手話去玩下冇所謂喎，但我知T 係好無奈囉.....同埋d fd 都唔鍾意 a ，
唉..一陣都唔知點好.. 成日a 都係痴住 T ...，去到個度，其他 fd見到佢同 T 泥，
我相信個個都會誤會 T，我就即刻走個去同佢地講今日 d 野啦，佢地都好憎 a..
佢地知原來 a 發姣要跟埋泥，我唔知點解會咁緊張同佢地解釋，只係見 T 好無奈囉，唉....

之後有人帶左骰"忠 " 去，玩大話骰喎，我冇玩到.因為我唔係好識，跟住佢地好似特登想灌醉 a 既
，見到 T 都一齊玩佢，感覺好心涼呀，唔知點解呀，見到 a 醉我都冇幫佢頂，
之後佢醉左開始發癲啦.....不斷講話好鍾意
◎野蠻論壇 版權所有，拒絕轉載◎8BknVafYZt
我地個個唔理佢..佢訓係沙灘..而佢地就玩 true or dare，仲記得有次又係玩呢樣，
個次真係唔開心，但依定唔同啦，T 對我真係好好，雖然我冇同佢一齊，但佢都好幫我，
都唔明點解次次都係咁架，今次dare左佢，要佢咀一個女仔喎，我諗一定唔會係我...唉.
又估錯，佢一個咀咀埋泥，個感覺好熟呀，可能係咀過好多次啦，仲咀左好耐，我推開佢渣-
班 fd 就嘩嘩聲咁，我面都紅埋呀，佢就好開心囉我睇得出，之後我又比人dare左，叫我飲酒
，T 出泥幫我頂呀，勁開心呀........完全冇理過 a 囉

a 醉到行都行唔到，我地就要送佢返去，我地叫左佢阿ma落去接佢，而我同 T 就繼續玩，
同埋 d fd fd，玩大話骰，但我因為唔識，所以坐埋一邊望住個海， T 就走過泥同我傾計

T : yy呀，我以前咁對你.點解你仲原諒我既
我 : 憎一個人好辛苦架
T : 我都覺我之前好唔岩..成日唔理你
我 : 唉..呢 d 都係以前既事啦
T : 我都好後悔
我 : 算啦
T : 個陣時我都知自己衰架啦..但自從個次之後，返到屋企都諗過下
我 : 諗成點呀
T : 好後悔放手......
我 : 嗯
T : 我認真架，我真係仲鍾意你
我 : ...............
T : 自從個次後，我都冇溝過女..亦都唔想比機會人..我淨係鍾意你
我 : a 都鍾意你架
T : 我知你今日唔泥..係因為 a 係你個
T : 你唔想因為咁而同 a 冇 fd 做
我 : 你講得岩呀..因為你我冇左kk冇左c..我唔想再失去呀
T : 就算係 fd 又點姐...我知你對我仲有 feel架
T : 頭先同你咀咀個陣..你都好有 feel架
我 : 係呀...咁又點
T : 但係我同你識先...又一齊過.愛情路上冇對與錯架
我 : 唉..............◎

我冇出聲就行左埋 d fd度..飲成支酒...T 見到佢咁，我估佢好hurt囉..，
唉.......見到 T 介到隻手花哂..仲有我個名係度..好唔跳點咁...我都覺得自己醉醉地咁...
之後就咩都唔知啦..一教訓醒就係屋企啦.訓醒好頭痛呀.之後阿ma同我講YAa6
ma : 琴晚有個男仔送你返泥喎
我 : 下....邊個男仔呀
ma : 我點知呀..白白淨..靚靚地既..啦.....佢抱你返泥
我 : 抱我 ? 點抱呀
ma : 用手抱囉( 廢話 ) 佢抱你上床既
我 : 下.....( o 哂咀 )
ma : 你唔知咩...我叫佢係度訓架..佢又唔肯.話唔好...呢件應該係好仔泥既
我 : o....

跟住返學，我好想避佢呀，但返學佢坐我隔離...避無可避呀，a 坐係前面..so 唔敢講太多野...
因為我地講野既時候， a 都好似特登望過泥一齊傾咁，所以上地理堂個陣..我寫係本書度話
thz 佢，佢就回返我，好似變左 chatroom咁，咁做 a 就唔知啦，幾好的.......

上中文堂要默書喎，默完...個阿 sir 無啦啦叫我拎本手冊比佢喎，話叫我小過，頂佢呀，
無啦啦記我野，好很慶囉，我就唔知咩事，佢話我出貓喎...真係唔知咩事......我唔敢出聲..
T 就話佢同阿 sir講◎野蠻論壇 版權所有，拒絕轉載◎GUIVRTkGIq

T : 阿 sir..你冇啦啦記人野...冇野呀
sir : 我係有原因先會記
T : 你話 yy出貓又有咩證據呀
sir : 我見到佢偷望人.同埋櫃桶有書係度..咁仲唔係出貓
T : 車..你同你老婆一齊都會偷望其他女仔架啦
T : 你銀包有 dom 代唔代表你出面有第2個女人呀..
( 成班嘩然呀 )
sir : 你同我出泥.. ..yy 你都出泥
T : 好呀....( 個陣小息...so 就出左走廊傾 )
我都跟埋出去
sir : 我要你明白我記你既原因
T : 有咩原因呀
sir : 我同 yy講野..你等一陣先
我 : 我真係識囉..唔信我背一次比你聽囉
sir : 好..我比機會你..你識既就當冇事發生過
我 : ( 背左比佢聽 . .. . .. .)
sir : 好..當呢次係我錯..算啦

kaly

之後阿sir就同 T 講野啦，我超無奈囉...只係見到T好慶囉...唉..佢咁幫我，我都唔知點好..
我去 toilet個陣，a 同我講
a : 你自己 d 事就自己講啦..咁架你
我 : 咩呀
a : 我話頭先呀..你都唔駛特登同 T 講呀
我 : 我冇叫佢幫我喎
a : 個晚你同 T 去左邊呀!
我 : 唔知呀..我都醉醉地個晚
a : ( 好直接 ) 你地有冇搞到野呀
我 : 痴線...個晚我返自己屋企架..
a : 佢呢
我 : 點知呀 ( 行緊出toilet ..見到 T ) 你自己問佢啦
我 : a 話有野想問你喎 ( 同 T 講 )( 我就行左去啦 )
T 跟住我同我講頭先阿 sir同佢講咩..而 a 就係 T 既另外一邊，但 T 冇理佢..淨係同我講，
個一刻好心涼呀

之後學校搞左個聖誕歌唱比賽喎...，T同我講話佢想參加..問我同唔同佢唱，比 a 聽到喎，
a 就話想同 T 唱,，T 好無奈答應左，但 T 都係想我同佢唱，我話我自己唱..佢就話要同我唱..
我話是但啦..我覺得冇乜所謂..決定左我同 T 唱明知固犯，而 T 同 a 就唱友情歲月，
我自己就唱明年今日，T 就唔同我講唱咩喎...佢話到個日我就知喎
咁初賽係分2日架，星期4同星期5，我星期4已經病病地，但報左唔唱咪好咩囉，死到上一上到，
好彩冇乜走音，唱完後我仲唔係好舒服，我去左 toilet，點知我入返去個陣..T 岩岩唱完，
好激氣呀..我問返人先知佢原來唱男人不該讓女人流淚，唉....冇聽囉.......
之後就合唱啦但因為唔夠時間，so有 d要到聽日先有得唱..我就唱第一組...

我同 T 唱...台下面 d 人勁嗌我同佢個名..好彩都冇乜走音，到第2日我冇返學..係icq上見到
T..我同佢講

我 : 你唔係應該要返學架咩
T : 你又唔返
我 : 我病呀
T : 有冇事呀..睇左醫生未呀
我 : 未呀..屋企人返哂大陸..冇人理我啦
T : 你乖乖留係屋企.我依家即刻過泥
( 我未應佢..佢已經off左啦 )
過左幾個字門鐘響..係 T 呀，我病到行都行唔到,,我用我所餘無幾既體氣開明，
見到佢我企都企唔隱啦，T 一手抱起我，我問佢做咩，佢話病人應該乖乖留係床架.........
佢就走左入廚房煲粥比我食，我就訓係床度...諗我應唔應該同佢一齊，諗諗下訓著左....
一醒就見到 T 係我隔離訓緊,(係地下)，我想落床個陣，嘈醒左佢呀，佢好緊張咁問我做咩，
我話去 toilet..佢就陪我去啦，出到泥，見到佢係廚房，我就入去睇下佢搞乜，佢係度煲返熱 d 粥，
個一刻好 warm呀..好感動..唔知點解..我企係度呆左..望住佢，佢就望返過泥，叫我出去等佢...
我唔想行呀..我d 眼淚流出哂泥啦
我 : 點解你要對我咁好呀...( 蹲在地上 )
T : 我愛你..所以對你好
我 : 點解之前要咁對我呀...又傷害我
T : 我知我之前係錯左..對唔住呀
我 : 我個陣好 hurt架..你依家又對我好好..想我點呀
T : 我知我自己唔可以冇左你..
我 : 咁點解你一次又一次傷害我再搵返我呀 ( 好激動 )
T : 對唔住呀..我都好後悔 ( 我個陣喊得好勁 )
我 : 嗚嗚嗚嗚嗚嗚........
T 抱住我...我抱住佢喊呀，佢都同我一樣係度喊緊，我真係唔知點做...喊完後佢仲
乙水返我笑，抱我上床..佢就餵我食粥，好好 feel 呀，我諗我自己都真係鍾意返佢，
可能係一直都冇變過..食完粥後，佢就同我講