藍藍天空甩大牙

headhead

我一向都認為，我地成日呃Ｄ細佬仔，懶係ｎｉｃｅ咁對佢地，
講到呢個世界乜野都好好咁，咁係唔o岩既！
細個我同媽媽搭飛機，睇見廁所既水係藍色，我未見過，咪走去問媽媽o個Ｄ係乜？
媽媽話：「係天空。」

所以我就成為世界上第一個食過天空既人。

媽媽成日同我講. 唔好講大話丫... 講大話會甩大牙丫....
咁我就唔敢講大話...點知D 牙一樣照甩....
咁我就去問媽媽點解會咁...
媽媽就話...因為你成日對我講大話囉.... 所以就甩哂囉...
明明冇講大話既我...媽媽話有就一定有..
所以我心心不憤,就開始成日講大話...講講下大話...D大牙又生返出黎...
果一刻我先明白...原來講大話先唔會甩大牙....