校長回魂

garyexe

時間：96年５月‧地點：澳洲一女子寄宿學校‧人物：小雪、阿芬

我讀緊呢間女校，聽聞已經有過百年歷史。通常呢類學校都會有鬧到滿城鬼話o既傳聞。我都聽過唔少，讀o左成三年，都未遇過什麼怪事，一切都風平浪靜。直到考試完畢晚，居然遇到我o既第一次。

學校宿舍o既編排係每兩個女仔一間房。我o既同房叫阿芬，來自台灣，兼且同我同班。每晚由九點開始，其他同學都會自動走到我o地房小聚一下。有本地生亦有海外生，成個國際大聯盟咁，好開心。

通常到十一點左右，舍監就好自然咁走o黎驅趕人群。可能見我o地前一排大家忙於溫習，少有聚會，今晚佢都破例，到午夜一點左右先叫各人回房睡覺。

其他人走晒後，我同阿芬已立刻關燈睡覺。十分鐘後，我聽到有輕輕o既開門聲，當時以為係舍監巡房。但好奇?蕼隔o左成分鐘，都仲未聽到有關門聲。憑我認識舍監三年經驗，佢唔會有唔關門o既惡習。

於是我問阿芬：「舍監今晚做乜o野？開門唔閂門。」阿芬都覺得奇?薡突然有陣冷風吹入我o地房，我忍唔住爬起身去關返度門，但望出走廊時，發覺其他房門都開晒。真奇?蕼我亦懶理咁多，上床覺。

到第二日早訓時，大家都o係度講返尋晚o既事。主任o係台上，好嚴肅咁向我o地宣佈，我o地o既修女校長o係尋晚一點左右心臟病發逝世。聽後我o地你眼望我眼，心諗：「乜咁邪？唔通尋晚開我o地房門個係佢？」

李終貴按：要令鬼魂o黎搵你，通常有兩個可能。一、你同佢好熟，佢掛住你o黎搵你；二、你同佢有仇，佢o黎搵你報仇。

依終貴睇，你冇理由同佢有仇o既，咁即係只有第一個可能高。既然佢掛住你o地而返o黎開你門，你冇理由用個「邪」字o黎形容佢，太唔尊重佢喇。你o地應該覺得「難過」、「哀傷」至o岩。