[轉帖]千其唔好打返自己既屋企電話*.

plk

要以為我問是傻問題~~~
我意思是指你會不會用你用的電話號碼打回這號碼~~

照理上是打不通的~~
但如果是打得通的話~~
你就要小心,
因為你可能命不久矣了...

我有一個關於這傳聞的故事~
不知大家有沒有興趣聽聽呢?

我有個fd有晚大約11:00 ,佢一時貪玩用自己屋企電話打返比自己,第一次佢係打唔通ga wo~佢又好衰唔衰去打第二次啦~點知真係比佢打通左~佢話佢聽到呢好空洞聲,好似係山洞咁,又有呢水滴聲;佢好驚,就收左線la~
第二日佢同我講返呢件事,我唔係太信,因為我即日都有返屋企試過,
但都係唔得~~
第三日我返到學校見到我個fd面都白哂~成個人唔同哂,我問佢咩事,佢死都唔肯講,直至大約lunch個陣佢同我講,佢話尋晚有個女仔打比佢~問佢做咩打比佢,
我個fd就問佢係邊個~果個人就話係我個fd個名~~
即係佢自己~聽下聽下佢認得個背景情況~一個空洞o既聲音,佢好驚,即刻收左線...我個朋友就好驚la~係問我點~我就安慰佢可能有人玩電話之ma~但我睇佢個樣就唔多似講大話,安慰o左一論之後佢就返左屋企,我話有咩事就立即打比我,
佢應承左我~到到個晚,佢震哂咁打比我,話果個人要囉佢條命,
佢係咁哭~~話唔知點算,個晚佢真係好驚,
第二日佢冇返學,
我打比佢,佢話佢自己病左,我放左學就即刻上去搵佢,因為佢屋企人返左大陸~
所以我上去佢屋企陪佢,我問佢個tel幾時打來~佢話兩晚都係大約11:00鐘到~
到到個晚大約11:00,個電話真係有響,我個fd 即刻縮埋一面,係咁叫我聽,
我梗係唔想聽啦~因為個時我都好驚,但也好想知係真的係假~咪去聽lo~
我拎起個電話,我個時真係成個呆左,因為真係一個山洞o既地方
我喂左一聲之後,有回音~我想收線個時,突然有把聲話,
「你..做咩..咁多.事?」有好多回音,真係好好好恐怖但我認出,個把聲係我個FD~之後我即刻收線,我個fd問我點~我差d喊左出來~我同佢講返,我地兩個唔知點~
係咁係到喊~~~我同我個fd唔敢留係間屋到,我同佢落左樓下間seven留到天光~
之後我打比我個另一個fd佢識呢人識神打,無耐我另一個fd 帶左佢幾個fd 來~
佢有個fd 大約30幾歲~~~其餘o既都係二兩幾~我同佢地上返我個fd 屋企~
我個fd死都唔肯入去~佢好驚~個個男人話~隻野好猛~佢驚佢自己都搞唔掂~
冇耐入左去後~個個人指住個電話話,隻野係呢到上來,我即刻心都寒埋~
因為由頭到尾我都冇講過成件事係點.....個個神打o既fd囉左對木快子夾著佢中指
又用黃布蒙著佢對眼,佢叫我兩個人入room~
我同我另一個fd 同佢兩個fd入左room~個個30幾歲o既人話~
你地聽到咩聲都唔好出來~~就算係地震都唔好出來~過得今晚就冇事~如果唔係就係咁先~
佢再三吩咐唔好再來~除非係天光~我地當然唔敢啦~因為真係好驚
大約到左11:00 鐘,我個fd突然成身震哂~面都青埋,唔知講呢咩野話~佢彈起身~
想衝出去廳~~我地即刻按住佢~我同我我另一個fd加埋佢2個fd合力都按佢唔住~
出面又好嘈~好似打緊仗咁~真係唔知咩聲好好好恐怖~~好似好多人咁~
我地用床單紮住佢~~佢真係變得好恐怖,成個樣都唔同哂~係咁大叫~~
係門底條gap中可以見到出面有好強o既綠光~但一時就變紅光~個時真係好嘈~
完全唔知發生咩事~~搞到大約二點幾~真係成間room都係咁震~~
而個window 係咁比人"kokoko"我同我另一個fd 嚇到傻咁制~~
個兩個fd都唔識講野~即係識係到震~~間room 好凍~好似得10度左右~~
(個時係夏天)-______-
等到4 點鐘~~~左右,跟住聽到出面boom一聲~好大聲之後出面就淨哂~~
我個fd wing 左~(女仔)但仲未天光~我地唔敢出去~到左5 點 左右~開始光~~
我地都係唔敢出去~~但聽到個個中年男士叫我地~你地可以出來了~出到去~
個廳好亂,真係好似地震完來咁~最恐怖就係個電話碎哂~~~成地都係~~
個個男人話~冇事ga喇~幫你搞掂左ga喇~你叫你個fd飲埋呢碗野就冇事~
我問佢究竟係咩事~佢話你最好唔好知~如果唔係我都驚你接受唔到~
但我之後知道係唔只一隻野~係有超個20隻其他野都唔夠追問lu~~~
之後我同我個fd 大病左一場~成個星期之後就冇事lu~~~