|
|
而家澳門街啲服務態度真係令人0 哂咀
話說尋日我經過一日辛勤嘅工作, 放工之後見時間尚早, 仲未食晚飯, 就喺我屋企附近一間我成日幫襯嘅茶餐廳強記坐低, 諗住飲番杯咖啡, 強記入邊啲老闆同伙計我都熟哂, 大家街坊街里, 不過尋日我就見佢請咗個新伙計, 係個中佬, 我第一眼見到佢就覺得佢怪怪地, 雙眼無神唔知望邊度, 上身著住一件好巢嘅白色短袖恤衫, 下身著條舊款短波褲, 嗰對光管真係強記停電都唔駛驚, 當中仲可以見到卷曲而稀疏嘅腿毛, 你都咪話唔性感, 對腳著住對黑色皮鞋, 冇著襪, 潮到爆;
因為唔識得我, 佢就埋嚟問我:「要咩?」, 就兩個字, 聲音好冷酷, 我同佢講:「比杯齋啡我」, 佢由頭到尾都冇望過我就行開咗, 過咗一陣, 佢拎住杯齋啡埋嚟, 放咗喺我檯面, 不過佢太大力, 杯啡淌瀉哂, 成檯都係, 仲飛咗啲落我件恤衫度;
唔駛問我梗係扯火, 不過因為我唔熟呢個人, 我冇即刻發佢圍, 只係怒啤住佢, 佢終於第一次望住我, 嗰個眼神, 好似幾晚冇訓仲輸咗好多錢咁, 一片茫然, 佢就係咁望住我, 又唔出聲, 又唔道歉, 我地大家對望咗成廿秒, 我個心諗, 你如果唔講聲對唔住, 你唔駛旨意可以見到聽日嘅日出;
就喺我地兩個用眼神僵持嘅時候, 我突然從佢嘅眼神感覺到佢內心起咗微妙嘅變化, 我感覺到佢有團火由內心爆發, 再由雙眼湧出嚟, 佢突然之間用佢隻左腳一腳踩上我張檯上邊, 再用佢雙手由佢左腳腳眼位置開始, 沿住佢對光管一直撫摸到佢大腿, 身體不停有節奏地前後擺動, 佢終於開口同我講嘢:「密密斟~~~像咖啡~~~願意斟到瀉~~~」;
............我用咗足足十秒令自己對呢件事作出反應, 再迅速地諗應變對策, 最後...我起身.....行埋老闆度...對佢講:「.....埋單........」, 我拖住疲憊嘅身軀離開強記.....番屋企...... |
|
狗仔卡
發表於 2009-10-22 14:36:11
提升卡
置頂卡
沉默卡
喧囂卡
變色卡
顯身卡
發表於 2009-10-23 09:16:04
樓主
發表於 2009-10-23 15:33:23
發表於 2009-10-24 18:18:37
