細路咪玩

garyexe

時間：96年5月‧地點：某個電視台‧人物：小玲

小玲係我o係電視台做o左六年導演o既朋友，佢成日o係我o地聚會講o係電台發生o既靈怪事。

唔知係唔係聽得太多，o係呢個聚會初頭講，我o地全部都冇反應。後來講到佢有次o係錄影廠發生o既故事，我o地就覺得毛骨悚然。

次要錄影節目o既時候，佢o既助手告o左病假，其他工作人員又要準備用具，有又去o左歎茶，控制台上只有佢一人o係度試錄影機。

小玲從個熒?隰上，見到廠門隙有個大約６、７歲o既小男孩o係度裝裝。佢以為係工作人員帶返o黎o既小朋友，於是叫控制台下面o既工作人員請位小朋友離開，以免妨礙拍攝。

但當有位工作人員走到廠門睇睇時，用對講機跟小玲講話冇細路仔o係度。小玲再仔細望望，又真係見唔到個細路。佢心諗可能個細路已經走o左，又或者佢眼花睇錯。

到o左正式錄影，個細路突然又跑到主持後面，控制台上o既人全都見到。小玲於是大叫「Cut」，然後又請下面o既工作人員請位小朋友離開。

下面o既工作人員好愕然咁同小玲講話：「邊度有細路呀！你o地唔好玩啦，快錄完快收工啦。」跟住個細路好似有心同佢作對咁，小玲話佢o係左面，佢就跑到右面；小玲話佢o係右面，佢又走到左面。但下面工作人員依然講句：「冇細路呀！」

醒目o既小玲覺得不妙，於是開咪好嬲咁大叫：「喂！細路好走返出鏡頭外面搵個位坐好，唔好阻住我o地。」然後好鎮定咁控制全部工作人員，若無其事咁繼續錄影。

錄影完畢後，大家離開廠後先敢再討論剛才件事。控制台o既人見到o既係隻「幽靈」。其實小玲當時係好驚慌，但為免影響其他人o既心情，先至扮鎮定。

李終貴按：電視台鬧鬼好普通，o係電視台做得耐o既人已經見怪不怪。終貴聽過有位o係電視台做主持o既朋友講，話佢有次做緊現場直播o既節目時，見到o係攝錄機側邊o既樓梯，有個著住白色衫裙o既少女坐o係度向佢揮手。佢當時被嚇到目瞪口呆，要拍檔拍一拍佢，佢先至醒覺，繼續做節目。

但佢形容當時o既感覺真係嚇到想走。所以小玲唔係直接見，而係透過熒幕見到，已經好好彩，終貴認為控制台下面o既工作人員俾佢嚇得仲驚。